بازرگانێک گرێبەستێک بەزیاتر لە٧٠٠ هەزار دۆلار لەکۆربەندی بازرگانی سلێمانی واژۆدەکات

کۆمپانیایەکی شاری سلێمانی لە بواری کشتوکاڵیدا لە کۆربەندی بازرگانی سلێمانی گرێبەستێکی کارکردنی بەبڕی زیاتر لە ٧٠٠ هەزار دۆلار لەگەڵ کۆمپانیایەکی تورکی واژۆکرد.

مسعود واحید، خاوەنی کۆمپانیای مسعود واحید رەشید بۆ کاری بەرهەم و پێداویستی کشتوکاڵی، بەسایتی ژووری بازرگانی و پیشەسازی سلێمانی ڕاگەیاند "لەکۆنفرانسی کۆمەڵەی پیشەسازان و خاوەنکارانی نێودەوڵەتی کە لەشاری سلێمانی ئەنجامدرا بەشداریمان کرد و چاومان بە کۆمپانیایەکی کشتوکاڵی کەوت لەبەرهەمی سەماددا توانیمان ڕێبکەوین و گرێبەستێکی کارکردنمان ئەنجامدا".

راشیگەیاند "کۆمپانیای گویزنلەری تورکی لەبواری کشتوکاڵیدا کار دەکات بەرهەمی کودی سەمادیان هەیە و ئێمەش لەو بوارەدا کاردەکەین هەربۆیە توانیمان گرێبەستێکی کارکردنیان لە گەڵ ئەنجام بدەین بەبڕی ٧٢٠ هەزار دۆلار بۆ هاوردەکردنی سەماد".

ئاماژەی بەوەشدا لەگەڵ کۆمپانیا تورکییەکان پەیوەندی باشمان هەیە بۆ هاوردەکردنی سەماد لەئێستاشدا ئەم گرێبەستە دەبێتە هۆکارێکی باش بۆ بەهێزکردنی کاری کۆمپانیاکەمان.

بەبەشداری زیاتر لە ٤٠ کۆمپانیای ووڵاتی تورکیا لەشاری سلێمانی کۆڕبەندێکی هاوبەشی بازرگانی و پیشەسازی سلێمانی بەڕێوەچوو.


PM:11:53:15/09/2021




ئه‌م بابه‌ته 552 جار خوێنراوه‌ته‌وه‌‌