نرخی ئایفۆن 12 دابەزی

لەگەڵ نزیكبوونەوە لە كاتی خستنەبازاڕی نویترین جۆری ئایفۆن كە بە ئایفۆن13 ناسراوە، نرخی ئایفۆن 12 لە بازاڕەكانی رووسیا دابەزی.

بەگوێرەی سپوتنیك، نرخی ئەم جۆرە ئایفۆنە بە هاردی 64 گیگابایت بۆ 702 دۆلار دابەزی، لە كاتێكدا نرخەكەی 900 دۆلار بوو. 

بەگوێرەی سپوتنیك، هەر خۆی پێشتریش ئایفۆن 12 لە رووسیا بە نرخێكی هەرزان دەفرۆشرا و ئەگەری خستنەبازاڕی ئایفۆن 13 وایكردووە جۆری ئایفۆن 12 ئەو بازاڕەی جارانی نەبێت، خەڵك پارەكانیان بۆ كڕینی جۆرە نوێیەكە پاشەكەوت بكەن.

لە ئایفۆن 13دا كۆمەڵێك گۆڕانكاری كراوە و بەبێ ئەوەی شاشەی مۆبایلەكە پێ بكرێت، ئەوا هەر لەسەر شاشەكە كۆمەڵێك خزمەتگوزاری وەك كاتژمێر، پێشبینی كەشوهەوا و ئاگادارییەكان نمایش دەكرێن. جگە لەمە، باس لەوە دەكرێ خزمەتگوزاری ئینتەرنێتی پشتئەستوور بە مانگی دەستكرد پێشكەش دەكات، هەرچەندە ئەمە یەكلا نەكراوەتەوە.

لە هەرێمی كوردستان نرخی ئایفۆن 12 بەراورد بە بازاڕی وڵاتێكی وەك رووسیا هێشتا بەرزە و بەگوێرەی جۆرەكانی، لە سەرووی هەزار و 149 دۆلار دەفرۆشرێت. پێشبینی دەكرێت لە هەرێمی كوردستانیش بە هاتنی جۆری نوێی ئایفۆن نرخی ئایفۆن 12 دابەزین تۆمار بكات.


PM:05:29:06/09/2021




ئه‌م بابه‌ته 336 جار خوێنراوه‌ته‌وه‌‌