به‌رێوبه‌ری ڕێكخراویی ICC ئۆكرانی له‌ عێراق سه‌ردانی ژووری بازرگانی و پیشه‌سازی سلێمانی ده‌كات

د.عیماد باڵه‌ك، به‌رێوبه‌ری ڕێكخراویی ICC ئۆكرانی له‌ عێراق سه‌ردانی ژووری بازرگانی و پیشه‌سازی سلێمانی كرد، له‌لایه‌ن یاسین ڕه‌حیم جێگری سه‌رۆك و دكتۆر سه‌لام عه‌بدوڵلا، به‌رێوبه‌ری گشتی و دابان نه‌جمه‌دین، ڕێكخه‌ری په‌یوه‌ندییه‌كانه‌وه‌ پێشوازی لێ كرا.

لە کۆبونەوەیەکدا یاسین ڕەحیم، جێگری سەرۆکی ژووری بازرگانی و پیشەسازی سلێمانی ڕایگەیاند "لە ئێستادا چەندین کۆمپانیای شاری سلێمانی گرێبەستی کارکردنی لەگەڵ  کۆمپانیا ئۆکرانییەکان ھەیە، دەمانەوێت پەیوەندییە بازرگانییەکان لەگەڵ وڵاتی ئۆکرانیا زیاد بکەین".

جێگری سەرۆکی ژوور ڕاشیگەیاند "داواکارین  ھانی وەبەرھێنەران  و بازرگانانی ئۆکرانیا بدەن سەردانی ھەرێمی کوردستان  بکەن تاکو لێرە وەبەرھێنان ئەنجام بدەن و ڕاستەوخۆ لەگەڵ کۆمپانیاکانمان کاربکەن، کار ئاسانیش بۆ شاندی بازرگانی بکەن تاکو لە ژێر چاودێری ژووری بازرگانی و پیشەسازی سلێمانی بتوانن بەشداری بکەن لە پێشەنگاکانی ئۆکرانیا تاکو لە نزیکەوە بە کارگە و کۆمپانیاکانی ئەو وڵاتە ئاشنا بن". 

لای خۆشیە د.عیماد باڵەک، بەرێوبەری ڕێکخراوی CCI  ئۆکرانی لە عێراق ڕایگەند "وڵاتی ئۆکرانیا بە چەندین بەرھەمی پیشەسازی و کوشوکاڵی بە ناوبەنگە له‌سه‌ر ئاستی جیهان، ساڵانێکە لە ڕێگەی تورکیا و ئێران و ئیماڕاتەوە چەندین بەرھەمی ئۆکرانی لە بازاڕەکانی ھەرێمی کوردستان دەفرۆشرێت ئێمە دەمانەوێت کارێک بکەین بازرگانان و خاوەنکارانی كوردستان، ڕاستەوخۆ لەگەڵ وڵاتی ئۆکرانیا کار بکەن بۆ ئەم مەبەستەش، لە مانگی داھاتودا دەمانەوێت ژمارەیەکی زۆر لە بازرگانان و خاوەنکاران و بەرپرسە ئابورییەکانی وڵاتی ئۆکرانیا بھێنییە کوردستان لێرە کۆڕبەندێکی گەورە ساز بکەین  تاکو ھەردولا لە نزیکەوە بە کارەکانی یەکتری ئاشنا بن".

ئاماژەی بەوەشدا، لە ئێستادا چەند وەبەرھێنەرێکی ئۆکرانی سەردانی ھەرێمی کوردستانیان کردوە و سەرقاڵی تۆێژینەوەن بۆ دروستکردنی چەند کارگەیەک لە ھەرێمی کوردستان".

دوای کۆبوەنەوەکە بەرێوبەری ڕێکخراوی ICC  ئۆکرانی لە عێراق سەردانی پڕۆژەی لەگەنجێنەکانی ژووری بازرگانی و پیشەسازی سلێمانی کرد و سەرسامی خۆی بە تایبەتمەندییەکانی پرۆژەکە  نیشاندا و دەستخۆشی لە بازرگانان و خاوەنکار و ژووری بازرگانی و پیشەسازی سلێمانی کرد بۆ دروستکردنی ئەو پرۆژەیە و ڕایگەیاند "داوای تەواو بوونی ئەم پرۆژەیە سلێمانی دەبێتە سەنتەرێکی بازرگانی گرنگ، لە کاتی سەردانکردنی کۆمپانیا جیھانیەکان بۆ عێراق لە ڕێگەی ئەم پرۆژەیەوە دەتوانێت لە نزیکەوە بە بازرگانانی سەرجەم بوارەکان ئاشنا بێت و بە ئاسانی گرێبەستی کارکردن واژۆ بکات، لەوەش گرنگتر ئەم  پرۆژەیە نزیکەی ١٠ ھەزار ھەلی کار بۆ گەنجانی سلێمانی دەرەخسێنێت.

پرۆژه‌ی گه‌نجینه‌کانی ژووری بازرگانی و پیشه‌سازی سليمانی بریتییه‌ له‌ دروستکردنی 586 کۆگای هاوچه‌رخ به‌ ڕوبه‌ری جیاواز، پرۆژه‌که‌ له‌سه‌ر 400 دۆنم زه‌وی له‌ سلێمانی له‌ نزیک گوندی ژاڵه‌ی سه‌روو جێبه‌جێ ده‌کرێت،دابه‌ش بوون به‌سه‌ر چه‌ند زۆنێکدا، لەدروستکردنی پرۆژەکەدا هەموو ستاندار و پێوەرێکی جیهانی تێدا ڕەچاو دەکرێت، له‌ ئێستادا کارکردن تیایدا به‌رده‌وامه‌. 



PM:08:11:30/08/2021




ئه‌م بابه‌ته 577 جار خوێنراوه‌ته‌وه‌‌