کارگەیەکی دروستکردنی زەرفی کاغەز لە سلێمانی مەترسی مایەپوچبونی لەسەرە


ئامادەکردنی،زریان محەمەد

کارگەیەکی تایبەت بەدروستکردنی زەرفی کاغەز لەشاره سلێمانی لە ئێستادا مەترسی مایەپوچبون و داخستنی لەسەرە و خاوەنەکەی ڕایدەگەیەنێت کارگەکە لە توانایدایە پێداویستی تەواوی عێراق دابینبکەین.

راستی حەمە ئەمین، خاوەنی کارگەی راستی بۆ بەرهەم هێنان و دروستکردنی زەفی کاغەز لەشاری سلێمانی بۆ ڕۆژنامەی ژووری بازرگانی دەڵێت" کارگەکەم لەسەرەتای ساڵی ٢٠١٤ بە ئامێرێکی بچوکی دروستکردنی زەرفی کاغەزی دەسکدار وەک حەزێکی خۆمان دامەزراند وە تاکە کارگەین لە عێراقدا کە زەرفی دەسکدار دروستبکەین وە لە ناوەڕاستی ساڵگ ٢٠١٩ لە پارێزگای سلێمانی بڕیاردرا زەرفی نایلۆن لە نانەواخانە و سەمونخانەکاندا بەکار نەیەت تەنها زەرفی کاغەز، وەک کارگەی ڕاستی چوینە بەدەم ئەم کارەوە پێمان ڕاگەیاندن کە توانامان هەیە ئەو زەرفە دابین بکەین پێشمان وتن دەتوانین لە ووڵاتان هاوردەی بکەن بەڵام ئەوان پێیان ڕاگەیاندین کە دەبێت لەناوخۆدا دروست بکرێت و بەرهەم بهێندرێت نەک بازرگانی پێووە بکرێت".

دەشڵێت" ئێمە راسپێردراین کە کارگەکە دەست بە کارکردن بکات و ماددە سەرەتاییەکان هاوردە بکەین چونکە بڕیار دراوە بازاڕ هەموی بکرێت بە زەرفی کاغەز هەربۆیە توانیمان ئامێری زۆر باش و پێشکەوتو بکڕین کە توانای هەیە بۆ هەموو عێراق زەرفی کاغەز دروستبکات    ئامێرەکانمان لە ووڵاتی کەندا هاوردەکرد خۆمان سەردانی ئەو ووڵاتەمانکرد نزیکەی ١٥٠٠ تۆن موادی سەرەتایمان هێنا لە جۆری فود گرێد کاغەزەکە ڤێرجنە بۆ خواردن دەشێت هیچ گرفتێکی نیە وە لە سەرەتای ساڵی ٢٠٢٠ کەوتینە کارکردن کە ڕۆژانە نزیکە ٩ تۆنمان بەرهەم دەهێنا کە لەسەر خواستی لیژنەکانی سلێمانی بوو کە پێیان وتین ڕۆژانە پێویستمان بە زیاتر لە ٥ تۆن زەرفی کاغەزە وە بۆماوەی ٣ مانگ کارمانکرد وەلەو ماوەیدا نەمانتوانی ئەو بەرهەمەی بەرهەم هاتووە بیفرۆشین مەغزەنەکانمان هەموی پڕبوو لە زەرفی کاغەز وە تا ئێستا ١٣٥٠ تۆنمان بەرهەمی خاوی دروستکردنی زەرفەکانمان  ماوە".

لەدوای جێبەجێ نەکردنی بڕیاری بەکار هێنانی زەرفی کاغەز لەلایەن نانەواخانە و سەمونخانەکانەوە کارگەکە بڕیاریداوە ئەو بەرهەمە سەرەتاییانەی لە ووڵاتی کەنەداوە هاوردەیکردووە بگەڕێنێتەوە بۆ ئەو ووڵاتە و ئەوەی بەرهەمیشی هێناوە بەزەرەر بیفرۆشێتەوە.

کارگەی راستی دوو جۆر زەرفی کاغەز دروستدەکات جۆرێکیان تایبەتە بۆ خۆراک واتا نان و سەمون وە جۆرێکیان بۆ جوانکاریە کە دەسکی هەیە دەشتوانن زەرفەکان بەپێی داواکاری لۆگۆ هەر جۆرە نوسینێک بخرێتە سەری وە لە ئایندەدا کاغەزی سەر مێزیش ئامادە دەکەن.

خاوەنی کارگەی راستی ئەوەش ڕوندەکاتەوە" لەلایەن حکومەتەوە هیچ هاوکارییەک نەکراوین هیچ پارچە زەویەکیان بۆ دابین نەکراوە وە خۆمان ئامادەین زەویش بکڕین بەس حکومەت ڕێگریمانلێ نەکات لەدروستکردنی، نرخی کارەباش لە ئێستادا ئەوەندە بەرزە ناچاربوین بە مۆلیدەی خۆمان کار بکەین، هەربۆیە گەر خواست لەسەر بەرهەمەکەمان نەبێت ناتوانین زیاتر کاربکەین و بەرهەمی زیاتر بخەینە بازاڕەوە".

لەئێستادا بەشێکی زۆر لە کارگەکانی هەرێمی کوردستان گرفتی نرخی کارەبا و نەبونی بازاڕی پێویست بۆ بەرهەمە کانیان هەیە ئەوەش وایکردووە لەکارکردن بۆستن و کارگەکانیان دابخەن.


PM:01:42:07/04/2021




ئه‌م بابه‌ته 436 جار خوێنراوه‌ته‌وه‌‌