ئەنجوومەنی وەزیرانی عێراق پڕۆژەیاسای بوودجەی پەسەند كرد

وتەبێژی ئەنجوومەنی وەزیرانی عێراق، ئەحمەد موللا تەڵال رایگەیاند كە ئەنجوومەنی وەزیرانی عێراق پڕۆژەیاسای بوودجەی گشتیی 2020ی پەسەند كردووە.

ئەحمەد موللا تەڵال لە هەژماری تایبەتی خۆی لە تۆڕی كۆمەڵایەتیی تویتەر نووسیوویەتی "ئەنجوومەنی وەزیرانی عێراق لە پێناو رێكخستنی داهات و خەرجییەكان، پڕۆژەیاسای بوودجەی گشتیی 2020ی پەسەند كردووە".

وتەبێژی ئەنجوومەنی وەزیرانی عێراق، ئەحمەد موللا تەڵال راشیگەیاندووە "ئەنجوومەنی وەزیرانی عێراق، پڕۆژەیاسای بوودجەی گشتیی 2020ی رەوانەی ئەنجوومەنی نوێنەرانی كردووە".

پێشتر نووسینگەی سەرۆكوەزیرانی عێراق رایگەیاندبوو كە سەرۆكوەزیران، مستەفا كازمی سەرۆكایەتی كۆبوونەوەیەكی نائاسایی ئەنجوومەنی وەزیرانی كردووە تایبەت بە تاوتوێكردنی پڕۆژەیاسای بوودجەی گشتیی 2020.


PM:07:44:14/09/2020




ئه‌م بابه‌ته 65 جار خوێنراوه‌ته‌وه‌‌