ئێران مەرجی پشکنینی کۆرۆنا بۆ گەشتیارانی هاتوو لە عێراقەوە دادەنێت


حکوومەتی ئێران مەرجی پشکنینی سەلامەتی لە ڤایرۆسی کۆرۆنا بۆ گەشتیارانی هاتوو لە عێراقەوە دادەنێت.
 
 دەسەڵاتدارانی ئێران، مەرجی پشکنینی سەلامەتی لە ڤایرۆسی کۆرۆنای نوێ (COVID-19) لەسەر گەشتیارانی عێراق، دادەنێت کە روو لەو وڵاتە دەکەن.

وەزارەتی گواستنەوەی عێراق رایگەیاند، لەلایەن بەرپرسانی فڕۆکەخانەی نێودەوڵەتی تاران ئاگادارکراونەتەوە لەوەی هەر گەشتیارێکی عێراقی لە رێگەی ئەو فڕۆکەخانەیەوە روو لە ئێران بکات، پێویستە پشکنینی PCR ی پێ بێت و سەلامەتی لە ڤایرۆسی کۆرۆنای بسەلمێنێت.

لە راگەیەنراوەکەدا ئاماژە بەوەشدراوە کە ئەم رێکارە لە سبەی سێشەممەوە دەچێته واری جێبەجێکردنەوە.


PM:04:06:03/08/2020




ئه‌م بابه‌ته 322 جار خوێنراوه‌ته‌وه‌‌