پارێزگاری سلێمانی:بەئومێدین جەژن بكەینە جەژنی تێپەڕاندنی پەتای كۆرۆنا

پارێزگاری سلێمانی بەبۆنەی جەژنی پیرۆزی قوربانەوە پەیامێكی ئاڕاستەی هاووڵاتیان كردو ئاماژەی بەوەداوە كە دەخوازین جەژنی ئەمساڵ جەژنی كۆتایهاتنی گرفت و كێشەو قەیران و كارەسات و نەهامەتییە تەندروستیی و دارایی و ئابوریی و كۆمەڵایەتیی و ژینگەیی و سەربازییەكان بێت، دەشڵێت: بەو ئومێدەی بەپشتیوانیی و بەخششی خوداو هەوڵی دامودەزگا دەوڵەتییەكان و هیممەتی مەردانەی هاووڵاتیانی ئازیز رۆژانی دوای جەژن بكەینە جەژنی تێپەڕاندنی پەتای كۆرۆناو كاسەی بەتاڵ. 
 
پارێزگاری سلێمانی بەبۆنەی جەژنی پیرۆزی قوربانەوە پەیامێكی ئاڕاستەی هاووڵاتیان كردو ئاماژەی بەوەداوە كە دەخوازین جەژنی ئەمساڵ جەژنی كۆتایهاتنی گرفت و كێشەو قەیران و كارەسات و نەهامەتییە تەندروستیی و دارایی و ئابوریی و كۆمەڵایەتیی و ژینگەیی و سەربازییەكان بێت، دەشڵێت: بەو ئومێدەی بەپشتیوانیی و بەخششی خوداو هەوڵی دامودەزگا دەوڵەتییەكان و هیممەتی مەردانەی هاووڵاتیانی ئازیز رۆژانی دوای جەژن بكەینە جەژنی تێپەڕاندنی پەتای كۆرۆناو كاسەی بەتاڵ. 

دەقی پەیامەكەی پارێزگاری سلێمانی: 

هاونیشتمانانی بەڕێز، كەس و گرۆهی مرۆڤایەتیی لە هەر پنتێكی ئەم گەردونە بەرینەدا.. 

‎بەناوی پارێزگای سلێمانییەوە؛ جوانترین و بەسۆزترین و شایانترین و پیرۆزترین ڕێزو پیرۆزبایی خۆمانتان بۆ جەژنی قوربانی پیرۆز؛ پێشكەشدەكەین، دەخوازین جەژنی ئەمساڵ، جەژنی كۆتایهاتنی گرفت و كێشەو قەیران و كارەسات و نەهامەتییە تەندروستیی و دارایی و ئابوریی و كۆمەڵایەتیی و ژینگەیی و سەربازییەكان بێت، جەژنی ئارامیی و ئاشتیی و دادپەروەریی و ئازادیی و ئاسودەیی و ئاوەدانیبێت. 

‎بەخۆپارێزیی و پابەندییەكی تەواوی تەندروستیی و دەرونیی و كەسییەوە، بە خۆنەویستیی و خۆڕاگریی و خۆشەویستییەكی زۆرەوە؛ ساتەكانی ئەم جەژنە پیرۆزە بەڕێوەبەرین، بەو ئومێدەی بە پشتیوانیی و بەخششی خوداو هەوڵی دامودەزگا دەوڵەتییەكان و هیممەتی مەردانەی هاووڵاتیانی ئازیز؛ ڕۆژانی دوای جەژن بكەینە جەژنی تێپەڕاندنی پەتای كۆرۆناو كاسەی بەتاڵ و خوانی چۆڵ و گیرفانی خاڵیی و بێموچەیی و بێبوجەیی و بێكاریی و بێدەرەتانیی و بێبازاڕیی و بێمتمانەیی و بەدگومانیی و سەرجەم نەهامەتییە كاتیی و درێژخایەنەكانی تریش، كە بە هەموویانەوە هەڕەشەی شێرگیرانەیان بۆ بوون و ژیان و ژین و شكۆو رابردوو ئێستاو داهاتووی خەڵك و خاكی ئەم وڵاتە دروستكردووە. 

‎دەخوازین پێكەوە دور لە كەرتیی لەتیی و پەرتیی و پاریی و پارچەیی، بە ئیرادەیەكی بەهێزو مكوڕییەكی تەواوو بەردەوامییەكی هەمیشەییەوە، بەئومێدێكی پڕ لە هیواوە بگەینە خواست و ئامانجە نیشتمانییەكانمان. 

‎شادو سەرفرازو سەركەوتوبن. 

‎د. هەڤاڵ ئەبوبەكر 

‎پارێزگاری سلێمانی 

30-7-2020 
دەقی پەیامەكەی پارێزگاری سلێمانی: 

هاونیشتمانانی بەڕێز، كەس و گرۆهی مرۆڤایەتیی لە هەر پنتێكی ئەم گەردونە بەرینەدا.. 

‎بەناوی پارێزگای سلێمانییەوە؛ جوانترین و بەسۆزترین و شایانترین و پیرۆزترین ڕێزو پیرۆزبایی خۆمانتان بۆ جەژنی قوربانی پیرۆز؛ پێشكەشدەكەین، دەخوازین جەژنی ئەمساڵ، جەژنی كۆتایهاتنی گرفت و كێشەو قەیران و كارەسات و نەهامەتییە تەندروستیی و دارایی و ئابوریی و كۆمەڵایەتیی و ژینگەیی و سەربازییەكان بێت، جەژنی ئارامیی و ئاشتیی و دادپەروەریی و ئازادیی و ئاسودەیی و ئاوەدانیبێت. 

‎بەخۆپارێزیی و پابەندییەكی تەواوی تەندروستیی و دەرونیی و كەسییەوە، بە خۆنەویستیی و خۆڕاگریی و خۆشەویستییەكی زۆرەوە؛ ساتەكانی ئەم جەژنە پیرۆزە بەڕێوەبەرین، بەو ئومێدەی بە پشتیوانیی و بەخششی خوداو هەوڵی دامودەزگا دەوڵەتییەكان و هیممەتی مەردانەی هاووڵاتیانی ئازیز؛ ڕۆژانی دوای جەژن بكەینە جەژنی تێپەڕاندنی پەتای كۆرۆناو كاسەی بەتاڵ و خوانی چۆڵ و گیرفانی خاڵیی و بێموچەیی و بێبوجەیی و بێكاریی و بێدەرەتانیی و بێبازاڕیی و بێمتمانەیی و بەدگومانیی و سەرجەم نەهامەتییە كاتیی و درێژخایەنەكانی تریش، كە بە هەموویانەوە هەڕەشەی شێرگیرانەیان بۆ بوون و ژیان و ژین و شكۆو رابردوو ئێستاو داهاتووی خەڵك و خاكی ئەم وڵاتە دروستكردووە. 

‎دەخوازین پێكەوە دور لە كەرتیی لەتیی و پەرتیی و پاریی و پارچەیی، بە ئیرادەیەكی بەهێزو مكوڕییەكی تەواوو بەردەوامییەكی هەمیشەییەوە، بەئومێدێكی پڕ لە هیواوە بگەینە خواست و ئامانجە نیشتمانییەكانمان. 

‎شادو سەرفرازو سەركەوتوبن. 

‎د. هەڤاڵ ئەبوبەكر 

‎پارێزگاری سلێمانی 

30-7-2020


PM:03:10:30/07/2020




ئه‌م بابه‌ته 90 جار خوێنراوه‌ته‌وه‌‌