سیروان محه‌مه‌د: بریاردرا ئه‌و بارهه‌ڵگرانه‌ی له‌ به‌نده‌ر عه‌باس راگیروان ڕه‌وانه‌ی هه‌رێمی کوردستان بکرێت

به‌هه‌وڵی ژووری بازرگانی‌و پیشه‌سازی سلێمانی بریاردرا ئه‌و بارهه‌ڵگرانه‌ی له‌ به‌نده‌ر عه‌باس راگیروان ڕه‌وانه‌ی هه‌رێمی کوردستان بکرێت.

سیروان محه‌مه‌د، سه‌رۆکی ژووری بازرگانی‌و پیشه‌سازی سلێمانی رایگه‌یاند ''دوایی ئه‌وه‌ی هه‌وڵه‌کانمان خسته‌گه‌ڕ به‌مه‌بستی چاره‌سه‌رکردنی کێشه‌ی ژماره‌یه‌ک  له‌ بازرگانان و خاوه‌نکاران که‌ باره‌کانیان له‌ به‌نده‌ره‌ عه‌باس راگیرابوو، خۆشبه‌ختانه‌ توانیامان به‌ هاوکاری ئه‌نجومه‌نی وه‌زیرانی حکومه‌تی هه‌رێم و وه‌زاره‌تی بازرگانی و پیشه‌سازی کيشه‌که‌ چاره‌سه‌ر بکه‌ین بارهه‌ڵگره‌که‌کان له‌ به‌نده‌ر عه‌باسه‌وه‌ به‌ره‌و ده‌روازه‌ سنورییه‌کان به‌رێده‌که‌ین''.

راشیگه‌یاند ''دوایی په‌یوه‌ندیی کردن و گفتوگۆکردنمان له‌گه‌ڵ به‌رپرسان و لایه‌نه‌ په‌یوه‌ندیداره‌کانی کۆماری ئیسلامی ئێران و هه‌رێمی کوردستان، له‌ ئێستادا بڕیاریدراوه‌ بارهه‌ڵگره‌کان به‌پێی پێوست ڕه‌وانه‌ی هه‌رێمی کوردستان و پارێزگای سلێمانی بکرێت''.

خه‌جتی له‌وه‌ش کردوه‌ ‌حکومه‌تی هه‌رێمی کوردستان زۆر دڵسۆزانه‌ به‌ده‌م داواکارییه‌که‌ی ژووری بازرگانی‌و پیشه‌سازی سلێمانییه‌وه‌ هاتوه‌ به‌ هه‌موو توانایه‌که‌وه‌ کاریان کردوه‌ و له‌گه‌ڵ لایه‌نه‌ په‌یوه‌ندیداره‌کانی کۆماری ئیسلامی ئێران گفتوگۆیان کردوه‌، توانراوه‌ کێشه‌که‌ چاره‌سه‌ر بکرێت، له‌ ئێستادا ره‌وشی هاورده‌کردنی کاڵاو شتومه‌ک بۆ هه‌رێمی کوردستان ئاسایی بۆته‌وه‌ و سه‌رجه‌م رێکار و رێوشوێنه‌ ته‌ندروستییه‌کان گیراوه‌ته‌به‌ر.


PM:01:38:10/03/2020




ئه‌م بابه‌ته 286 جار خوێنراوه‌ته‌وه‌‌