حكومەتی عیراق دەستپێشخەرییەكی نوێ‌ پێشكەشی كوەیت دەكات

لەوچوارچێوەیەو لەمیانەی كۆبونەووەی  عادل عەبدولمەهدی, سەرۆك وەزیرانی عیراقدا لەگەڵ خالد رەوزان وەزیری بازرگانی و پیشەسازی كوەیت داوای لێكردوە  بۆ باشكردنی پەیوەندیە ئابوری و بازرگانیەكانی نێوانیان رێككەوتنێكی هاشێوەی رێككەوتنەكەی ئوردن لەنێوانیاندا ئیمزا بكەن و پەرەیەكی نوێی سپی بۆ داهاتووی پەیوەندیەكانیان هەڵبدەنەوە.

ئەوەشیخستۆتەروو كە عیراق هەموو هەوڵێكی خۆی دەدات بۆ ئەوەی ئاسەواری جەنگ و وێرانكارییەكانی ساڵانی رابردووی بسرێتەوەو لەگەڵ دراوسێكانیدا لەباشترین پەیوەندی ئابوری و بازرگانیدا بێت.

هاوكات داوایكردووە ناوچەیەكی پیشەسازی هاوبەش لەسەر سنورەكان دروست بكرێت و لەگەڵ چالاكردنی جوڵەی بازرگانی ئاسانكاری بۆ كاری وەبەرهێنەرانی نێوان هەردوولا بكرێت.لەبەرامبەریشدا وەزیری بازرگانی كوەیت خۆشحاڵی خۆی بۆ باشكردنی ئەو پەیوەندیانە لەگەڵ عیراقدا پیشانداوەو بەڵێنیداوە ئاستی گەشەپێدانیان زیاتر بكات.


PM:02:56:23/02/2019




ئه‌م بابه‌ته 469 جار خوێنراوه‌ته‌وه‌‌