خۆپیشاندانی هێلەك زەردەكان زیانی 18 ملیۆن یۆرۆی بە كەرتی گەشتوگوزاری فەرەنسا گەیاندووە


دامەزراوەی ئێم كەی جی, بۆ توێژینەوە ئاشكرای دەكات: خۆپیشاندانی هێلەك زەردەكان لەماوەی یەك مانگدا زیانێكی زۆریان بە كەرتی گەشتوگوزار گەیاندوە‌و تەنها خاوەنی هۆتیلەكان 18 ملیۆن یۆرۆیان زەرەر كردووە.

بەگوێرەی توێژینەوەیەك كە دامەزراوەی ئێم كەی جی ئەنجامیداوە، لەماوەی خۆپیشاندانەكاندا كە 4 هەفتەیە بەردەوامە، بەشێك لە گەشتیاران پەشیمان بوونەتەوە لە گەشتكردن بۆ پاریس‌و بەشێك لە شارەكانی فەرەنسا.

بەگوێرەی ئەو توێژینەوەیە، هەرچەندە بەهۆی خۆپیشاندانی هێلەك زەردەكانەوە ژمارەی گەشتیاران كەمبۆتەوە، بەڵام لەماوەی ئەمساڵدا سەردانی گەشتیاران بۆ فەرەنسا زیادیكردووە‌و ڕێژەی گرتنی هۆتێلیش لەسەدا یەك بەرزبۆتەوە‌و گەیشتۆتە لەسەدا 68 پۆینت دوو.

هاوكات بەهۆی زۆری ژمارەی گەشتیاران لە پاریس‌و ناوچەی ڕیڤیرا كە دەكەوێتەسەر دەریای ناوەڕاست، نرخی هۆتیل‌و شەو مانەوە زیادیكردووە‌و داهاتی هەر ژوورێكیش بەڕێژەی لەسەدا 11 زیادیكردووە‌و نزیكبۆتەوە لە 130 یۆرۆ.


AM:10:03:20/12/2018




ئه‌م بابه‌ته 172 جار خوێنراوه‌ته‌وه‌‌