قەرزەکانی توركیا بەقەدەر نیوه‌ى قه‌رزى سه‌رجه‌م وڵاتانى عه‌ره‌بییه‌


به‌پێى زانیارییه‌ فه‌رمییه‌كان توركیا 452 ملیار و 700 ملیۆن دۆلار قه‌رزاره‌، ئه‌مه‌ش نیوه‌ى قه‌رزى سه‌رجه‌م وڵاتانى عه‌ره‌بییه‌ كه‌ به‌ هه‌ر 20 وڵاته‌كه‌ 923 ملیار و 400 ملیۆن دۆلار قه‌رزدارن.

به‌پێى ئه‌و زانیارییانه‌ى كه‌ له‌ رۆژنامه‌ى شه‌رق ئه‌وسه‌ت بڵاو كراوه‌ته‌وه‌، قه‌رزى ده‌ره‌وه‌ى حكوومه‌تى توركیا گه‌یشتووه‌ته‌ 452 ملیار و 700 ملیۆن دۆلار. 

 دامه‌زراوه‌ى عه‌ره‌بى بۆ گره‌نتیكردنى وه‌به‌رهێنان له‌ راپۆرتێكى خۆیدا ئاماژه‌ى بۆ ئه‌وه‌ كردووه‌، ئه‌م قه‌رزه‌ى توركیا نیوه‌ى قه‌رزى 20 وڵاتى عه‌ره‌بییه‌ كه‌ بڕه‌كه‌ى 923 ملیار و 400 ملیۆن دۆلاره‌.

له‌ راپۆرته‌كه‌دا ئاماژه‌ بۆ ئه‌وه‌ كراوه‌، به‌هۆى په‌شێوییه‌كانى به‌هارى عه‌ره‌بى كه‌ چوار وڵاتى گرتووه‌ته‌وه‌، ئه‌و وڵاتانه‌ زۆرترین قه‌رزیان كردووه‌، كه‌چى كۆى قه‌رزه‌كانیان گه‌یشتووه‌ته‌ 137 ملیار و 900 ملیۆن دۆلار.

 ئه‌م چوار وڵاته‌ش بریترین له‌ توونس و میسر و لیبیا و یه‌مه‌ن، میسر 88 ملیار و 200 ملیۆن دۆلارى قه‌رز كردووه‌، توونس 28 ملیار و 100 ملیۆنى قه‌رز كردووه‌، یه‌مه‌ن 21 ملیار و 800 ملیۆن دۆلارى قه‌رز كردووه‌، كه‌چى لیبیا هیچ وێڕاى ئاڵۆزییه‌كان هیچ قه‌رزێكى ده‌ره‌وه‌ى نه‌كه‌وتووه‌ته‌ ئه‌ستۆ.

 به‌هۆى ئه‌وه‌ى به‌هاى لیره‌ى توركیا له‌ به‌رانبه‌ر دۆلار به‌رێژه‌ى %43 دابه‌زیوه‌، توركیا رووبه‌ڕووى ته‌نگژه‌یه‌كى ئابوورى قووڵ بووه‌ته‌وه‌.



PM:12:24:09/09/2018




ئه‌م بابه‌ته 516 جار خوێنراوه‌ته‌وه‌‌

زۆرترین خوێنراو‌