بەھای تومەن دابەزینێکی پێوانەیی تۆمار دەکات



رۆژ لە دوای رۆژ دراوی تومەنی ئێرانی بەردەوامە لە دابەزین بەشێوەیەک پێشتر دابەزینی وای بە خۆیەوە نەبینیووە . 

بەپێی دوایین ھەواڵ تومەنی ئێرانی بەردەوامە لە دابەزین بە شێوەیەک ئەمڕۆ ١٠٠ دۆلاری ئەمەریکی بەرامبەر بە زیاتر لە یەک ملیۆن و چوارسەد ھەزار تومەن بووە . 

ھۆکاری دابەزینی بەھای تومەن بۆ ئەو سزایانە دەگەڕێتەوە کە ئەمەریکا لە دژی ئێران گرتوویەتیە بەر و رۆژ لە دوای رۆژ کاریگەری لە سەر ئابووری ئێران زیاتر دەبێت . 

ئەمەریکا جگە لە قۆناغی یەکەمی سزاکان بەنیازە لە مانگی ١١ داھاتوو قۆناغی دووەمی سزاکان رابگەینێت، ئەمەش دەبێتە ھۆی زیاتر دابەزینی بەھای تومەن . 



PM:05:30:04/09/2018




ئه‌م بابه‌ته 536 جار خوێنراوه‌ته‌وه‌‌