به‌م 5 رێگایه‌ ستایلێكی گونجاو بۆ خۆت هه‌ڵبژێره‌


سایتی سیدتی ئه‌م خاڵانه‌ی دیاریكردووه‌ تا كه‌سه‌كان بتوانن ستایلێكی تایبه‌ت و جوان به‌ خۆیان هه‌ڵبژێرن، بۆ دیاریكردنی ئه‌و خاڵانه‌ش دیزاینه‌ری به‌ناوبانگ نه‌سرین روحی لێدوانی داوه‌و وتویه‌تی كچی زیره‌ك ئه‌و كچه‌یه‌ به‌پێی مۆدێل هه‌موو شتێك به‌كارناهێنێت، به‌ڵكو ئه‌و ستایله‌ی بۆ جه‌سته‌ی گونجاوه‌و له‌گه‌ڵی رێكده‌كه‌وێت به‌رده‌وام ده‌بێت له‌سه‌ری. چونكه‌ هه‌ندێكجار له‌سه‌ر مۆدێل جلوبه‌رگێك هه‌ڵده‌بژێرێت به‌ڵام له‌گه‌ڵ جه‌سته‌ی ناگونجێت و جوان ده‌رناكه‌وێت.

به‌پێی ئه‌م خاڵانه‌ ستایلی گونجاو هه‌ڵبژێره‌:

1- به‌رزی و كورتی باڵا
ئه‌و خانمانه‌ی باڵایان به‌رزه‌ پێڵاوی بنبه‌رز له‌پێ نه‌كه‌ن و به‌پێچه‌وانه‌وه‌ باڵای كورت پێڵاوی بنبه‌رز له‌پێ بكه‌ن. هه‌روه‌ها خانمانی باڵا به‌رز ته‌نوره‌ی كورت یان مامناوه‌ند بكه‌ن، به‌ڵام باڵای كورت ته‌نوره‌ی درێژ له‌پێبكات گونجاوه‌.

2- كێش
خانمانی قه‌ڵه‌و ده‌بێت جۆره‌ قوماشێك له‌به‌ربكه‌ن قورس بێت و زیاتر ساده‌ بێت جه‌سته‌یان باریك ده‌ربكه‌وێت و له‌گه‌ڵیدا كه‌مێك ئیكسسوارات به‌كاربهێنن، به‌پێچه‌وانه‌شه‌وه‌ كچانی لاواز قوماشی سوك و ره‌نگی كراوه‌و نه‌خشدار گونجاوه‌.

3- ره‌نگی پێست
خانمانی پێستی ره‌نگ سپی ره‌نگی كاڵ بپۆشن، به‌پێچه‌وانه‌شه‌وه‌ ره‌نگی ئه‌سمه‌ر یان ره‌ش ره‌نگی تۆخ بپۆشن.

4- ته‌مه‌ن
خانمان ده‌بێت به‌پێی ته‌مه‌ن جل بپۆشن، بۆ گه‌نجان جلی ره‌نگاوره‌نگ و كراوه‌ كونجاوه‌ڤن بۆ به‌ته‌مه‌نه‌كان ره‌نگی مات گونجاوتره‌.

5- شوێن
به‌پێی ئه‌و شوێنه‌ی بۆی ده‌چیت جلوبه‌رگ بپۆشه‌و ماكیاژ بكه‌، بۆ نموونه‌ شه‌وان ده‌چیته‌ ئاهه‌نگێك یان بۆنه‌یه‌كی تایبه‌ت ده‌توانیت ماكیاژ زۆر بكه‌یت و جلی كراوه‌و ره‌نگاوڕه‌نگ له‌به‌ربكه‌یت، به‌ڵام بۆ ده‌وام و كۆبوونه‌وه‌و دیدار، ده‌بێت جلوبه‌رگی ره‌سمی و قات و قه‌میش له‌به‌ربكه‌یت.


PM:09:30:18/05/2018




ئه‌م بابه‌ته 181 جار خوێنراوه‌ته‌وه‌‌