ئۆتۆمبێله‌ نوێیه‌كه‌ی مارسیدس بووته‌ جێی سه‌رنجی كڕیاران

كۆمپانیای مارسیدسی ئه‌ڵمانی بۆ ساڵی 2018 نوێترین ئۆتۆمبێلی تایبه‌تی خسته‌ بازاڕه‌كانه‌وه‌ كه‌ وه‌ك كۆمپانیاكه‌ ده‌ڵێت ئه‌م ئۆتۆمبێله‌ به‌ یه‌كێك له‌ ئۆتۆمبێله‌ به‌هێزه‌كان داده‌نرێت له‌ دنیادا.

كۆمپانیای مارسیدسی ئه‌ڵمانی له‌ ساڵی 2018 دا ئۆتۆمبێلێكی نوێ جۆری"CLA-Class" ی به‌شێوازێكی نوێ دیزاین كرد و خستیه‌ بازاڕه‌كانی دنیاوه‌، ئه‌م كۆمپانیایه‌ ئۆتۆمبێله‌كه‌ی به‌ شێوازێكی زۆر سه‌رنجڕاكێشانه‌ دیزاین كردووه‌‌، كه‌ بووته‌ جێی سه‌رنجی كڕیاران.

له‌باره‌ی تایبه‌تمه‌ندییه‌كانی ئه‌م ئۆتۆمبێله‌ كۆمپانیاكه‌ ده‌ڵێت، ئه‌م ئۆتۆمبێله‌ خاوه‌ن تایبه‌تمه‌ندیی ناوازه‌یه‌ و به‌ شێوه‌یه‌كی زۆر ناوازه‌ دروست كراوه‌ و دیزاینێكی جوانیان بۆ داناوه‌، جگه‌ له‌وه‌یش ئه‌م ئۆتۆمبێله‌ هێزێكی زۆری هه‌یه‌ و بزوێنه‌رێكی به‌هێزی له‌سه‌ره‌ كه‌ هێزه‌كانی ده‌گاته‌ هێزی 375 ئه‌سپ و بزوێنه‌ره‌كه‌ی 2.5 لیترییه‌ و شه‌ش پستۆنه‌.

كۆمپانیاكه‌ ئه‌وه‌شی روون كردووه‌ته‌وه‌‌ كه‌ ئه‌م ئۆتۆمبێله‌ خاوه‌ن حه‌وت گێڕه‌ و بزوێنه‌رێكی به‌‌هێزی هه‌یه‌ و به‌ شێوازێكی به‌هێز دروست كراوه‌ به‌ دیزاینێكی جیاوازه‌وه‌، هه‌روه‌ها له‌باره‌ی نرخه‌كه‌شی كۆمپانیاكه‌ ده‌ڵێت، نرخی ئه‌م ئۆتۆمبێله‌ ده‌گاته‌ 32 هه‌زار و 700 دۆلاری ئه‌مه‌ریكی.
 




AM:09:50:14/05/2018




ئه‌م بابه‌ته 366 جار خوێنراوه‌ته‌وه‌‌