80 ملیار دینار لە بەغداوە گەیشتە هەرێمی كوردستان


بەڕێوەبەری گشتی بازرگانی لە وەزارەتی بازرگانی هەرێم رایدەگەیەنێت، حكومەتی عیراق بڕی 80 ملیار دیناری پارەی گەنمی جوتیارانی پارێزگاكانی دهۆك و سلێمانی رەوانەی هەرێم كردووە، بەڵام پارەی گەنمی جوتیارانی پارێزگاری هەولێر تا ئێستا رەوانە نەكراوە.

نەوزاد ئەدهەم بەڕێوەبەری گشتی بازرگانی لە وەزارەتی بازرگانی هەرێم رایگەیاند " ئەو بڕە پارەیەی بۆ جوتیارانی پارێزگاكانی دهۆك و سلێمانی رەوانەكراون، پارەی فرۆشتنی گەنمی ساڵانی 2016- 2017 یە".

راشیگەیاند، ئێستا لە پارێزگای سلێمانی دەست بە پرۆسەی دابەشكردنی ئەو بڕە پارەیە بەسەر جوتیاراندا كراوە و لە هەفتەی ئایندەشدا لە پارێزگای دهۆك پرۆسەكە دەستپێدەكات.

هەروەها ئەوەشی ئاشكراكرد، بەهۆی بوونی چەند كێشەیەكی ئیداری، پێدەچێت لەماوەی هەفتەیەكدا كێشەی هاتنی پارەی گەنمی جوتیارانی هەولێر چارەسەر بكرێت.


PM:04:17:09/02/2018




ئه‌م بابه‌ته 655 جار خوێنراوه‌ته‌وه‌‌